الحجر الملعون الجزء التاني
انا كان ورايا الصور وهو عمال يقرب ويقرب طبعا انا من الخوف مكنتش عارف اعمل حاجة وفجاة الحجر الملوناللي كان في ايدي اختفت الوانة وسخن اوي انا رميتة في الارض من كتر السخونة الحجر اتحول لمخلوق زي اللي قدامي بردة من نار بس نار لونها ازرق والمخلوق اللي كان في حلمي وقدامي من نار لونها احمر زي الدم المخلوق اللي خرج من الحجر او اللي الحجر اتحولة وقف قدامي دة بيحميني انا خايف ومش عارف اية اللي بيحصل اول ما ظهر المخلوق اللي خرج من الحجر المخلوق التاني خاف او بعد كان في حاجز بنا طبعا انا من الخوف هموت واصحابي محدش شايف حاجة الحجر رجع زي ما كان والمخلوق اللي من نار احمر اختفي بدات استجمع قوتي تاني وبقول لاصحابي انتو شوفتوا اللي حصل شوفتوا شوفتوا المخلوق الغريب اللي خرج من الحجر بتاعي قالولي حجر اية ياابني هو فين دة انت مالك النهاردة انت شكلك تعبان تعالي نروحك ياجماعة الحجر اهو وبشاور علية في الارض بس الحجر انا نالقتوش الحجر اختفي انا روحت مع اصحابي وصلوني البيت وانا مش عارف اية اللي بيحصلي دخلت البيت ونمت عادي جدا من التعب والخوف اللي كنت فية حلمت بنفس المخلوق اللي حرق ايدي بس المرة دي مكانش عارف يوصلي الحجر الملون قدامي بس مكنش متحول زي المرة اللي فاتت كان مجرد حجر عادي بس كان زي جدار حماية مكانش المخلوق قادر يخترقة ويوصلي كان في جدار شفاف ما بنا وزي ماكان هو مش قادر يدخل انا مكنتش قادر اخرج وكنت حاسس ان مافيش اكسيجين وحسيت اني هتخنق صحيت من النوم علي طول لقيت الحجر الملون جنبي علي السرير طبعا كنت مستغرب ازاي جة هنا مش هو كان اختفي في المكان اللي كنا فية اتصلت علي صاحبي علي كان الحوار بنا كالتالي
علي-في اية يا احمد اية اللي حصل بتتصل دلوقتي لية
انا-علي هو اية اللي حصل في خروجة امبارح
علي-انت بتهزر انت عارف الساعة كام احنا الساعة 3 الفجر
انا-بس قولي اية اللي حصل في الخروجة
علي-يا عم بكرة احكيلك ماانا قولتلك تعالي معانا وانت مرضتش وقولت عايز تنام
انا-انت بتهزر معايا ياابني انا كنت معاك وانت اللي مروحني البيت انت وعصام وخالد
علي- بطل هزار يااحمد احنا من بعد مارجعنا من المقابر محدش شافك
انا-اية اللي انت بتقولوا اقفل يا واد انت شكلك لسة نايم انا هكلم عصام
علي-واللة انت اللي شكلك اتجننت سلام ياعم
انا-سلام
وفضلت افكر في كلام علي ياتري كل دة كان حلم ياتري علي بيهزر ولا دي حقيقة انا مش عارف اية اللي بيحصل انا هكلم عصام اكيد هو اللي هيقولي هو بيبقي سهران اتصلت علي عصام والحوار بنا كان كالتالي
انا-الو عصام ازيك
عصام -اية يابرنس واحشني
انا-واحشتك اية ياعم مكنا مع بعض امبارح
عصام- كنامع بعض فين هو انا شفتك امبارح اصلا دة حتي انت مارضتش تيجي معانا نخرج باليل
انا-انت كمان بتهزر
عصام-ياابني واللة ماشوفتك انا حتي ما رحتش معاكم المقابر امبارح لان بابا كان تعبان زي ماانت عارف
انا-ازاي انا هتجنن بطل هزار يا عصام انت وعلي انتوا متفقين علية علشان كنت تعبان امبارح صح
عصام-ياابني في اية مالك واللة وغلاوة الحج ابويا انا ماشوفتك امبارح مالك في اية
انا-خلاص اقفل دلوقتي يا عصام
عصام-مالك بس في اية
انا-معلش اقفل دلوقتي هكلمك بكرة سلام
عصام-ماشي علي راحتك سلام
هو اية اللي بيحصل الفجر بياذن اناهطلع اصلي بابا انت صاحي قال اة ياحبيبي كان مالك امبارح ياابني من ساعة ما رجعنا من المقابر وانت قاعد علي الكمبيوتر ومش راضي تتطلع لا طلعت مع اصحابك ولا طلعت كلت معايا مالك بس انت حد دايقك
اية اللي بابا بيقولوا دة معني كدة اني مخرجتش انا اية بيحصلي هو في اية
تابعوا الجزء الثالث
ليست هناك تعليقات:
إرسال تعليق