الحجر الملعون الجزء الرابع

فضلت انادي علي الصوت اللي كان بيكلمني بس الصوت اختفي انا مابقتش لاقي حل الصوت اختفي وكل اللي قالة ان الحجر دة ملعون وان اللعنة صابتني وانها مش هتنتهي لو سيبت الحجر علي نفس القبر اللي اخدتوا اقعدت افكر طيب ازاي اللعنة دي هتنتهي طيب هعمل اية مالقتش حل غير اني ارجع البيت لان الوقت اتاخر واهلي هيقلوا علية فرجعت تاني البيت وانا حيران ومهموم ومش عارف اية اللي بيحصل فضلت افكر كتير طبعا انا مكنتش بامن بالعنات والسحر والشعوذة والدجل دة بس كنت عايز اعرف ازاي اتخلص منة فتحت الكمبيوتر ودخلت علي احد المواقع للسحر وكتبت في شريط البحث كيف اتخلص من اللعنة
فضلت ادورفي كل صفحة بتركيز لحد ما وصلت لصفحة عنوانها ( طلسم الكاهن الاكبر الاسره السابعه عشر )
قريت قراءة سريعة فهمت من خلالها .. ان الكاهن دا هو كاهن كبير جداً و كان له مكانة عالية جداً في العصر اللي كان موجود فيه و كتب طلسم حماية لاعظم ملك في العصر دا و دفن الطلسم دا معاه و نقشه علي الحجر و اتحط علي المقبره و رفض يصرح بمضمون الطلسم دا لاي حد لانه طلسم خطير جداً و بيحضر اقوي عشائر الجن .. و انه قرر يكتبه ويخليةعلي قبرة علشان يستعمله في العالم الاخر
و ان فيه نسخه تانيه من الطلسم موجوده في مقبره الكاهن دا اللي لسه محدش يعرف مكانها حالياً
بدات اكتب الارقام و بعدهابترجمها لحروف عربية مفهومة .. و بترجم طلسم فك اللعنة ... بعد ما ترجمت نص فك اللعنة ...
-المفروض اروح الفجر في مكان فاضي و مش بيمر منه ناس كتير واقرأ التعويذه دي و هعمل شويه طقوس كدا انا هتصرف فيها دا هيكون فك للتعويذة و اقدر بعد كده اعيش طبيعي و مش هيحصل حاجة ..تاني دة اللي كنت فاكرة لما فهمت ان اللعنة اللي في الحجر هي لعنة الكاهن دة وان القبر كان مكتوب علية ملك بس انا كنت فاكر ان اسم المتوفي ملك ولكن فهمت من الموقع انة كان ملك دلوقتي انا قررت انفذ كل اللي قريتة وفعلا رحت مكان فاضي ومش بيمر في حد وكنت خايف اوي وبدات اقري الطلاسم بس مكنتش عارف اية اللي بقولة بس كنت عايز افك اللعنة
بدأت ارسم جدول شبه الجدول اللي كان في الصفحه و طلعت من جيبي شموع سودا حطتها حوالين الرسم و بدءت اقول كلام  كنت بقوله بصعوبة من الورقه اللي كتبتها بنفسي ..
و حطيت الحجر الملعون اللي كان معايا  في نص الجدول المرسوم علي الارض ...
و رجعت اكمل قراية من الورقة اللي في ايدية بدءت الرسومات اللي علي الارض تنور باللون الاحمر و بدء الجو يكون مكتوم و الجو يبقي حر جداً ... و بدء يطلع صوت زي صفاره كادت انها تصم وداني.. بس وقفت مرة واحدة و الحجر بدءت يحمر بشكل رهيب جداً و اختفي و اختفي الرسم علي الارض و وقعت .. و اغمي عليا وماحستش باي حاجة فقت لقيت نفسي لسة في نفس المكان والشمس بدات تشرق باختفاء الحجر انا قلت خلاص خلصت اللعنة وهترجع حياتي طبيعية بس كنت غلطان واتحولت للاسوء
تابعوا الجزء الخامس